SWAMI NADHA PADAM

സ്വമിനാഥ പാ‍ദം
ദേവ ദേവ പാദം
കുമ്പിടുന്നിതെന്നും
ശ്രീമുരുക പാദം

വേദ വേദ്യ പാദം
കാര്‍ത്തികേയ പാദം
വേദനകള്‍ തീര്‍ക്കും
വേലവന്റെ പാദം

സങ്കടങ്ങള്‍ തീര്‍ക്കും
ഷണ്മുഖന്റെ പാദം
ശങ്കരന്റെ ശങ്കതീര്ത്ത
ചെന്തളിര്‍ പദാബ്ജം

വിഷ്ടപത്രയങ്ങള്‍
‍തുഷ്ടിയൊടെ കാക്കും
കഷ്ടതകള്‍ മാറ്റും
ഇഷ്ട ദൈവ പാദം

ദേവസങ്കടങ്ങള്‍
‍തീര്‍ത്തപുണ്യ പാദം
ദേവസേന മോദമോടെ
പൂകിടുന്ന പാദം

മാര വൈരി ത്ന്റെ
മൊദസിന്ധുവകും
ശൂര വൈരിയായ
താരകാരി പാദം

കാലദോഷമൊക്കെ
നീക്കിടുന്ന പാദം
കാലകാല നന്ദനന്റെ
പുണ്ണ്യമാര്‍ന്ന പാദം

ആനമിച്ചിടാം ഞാന്‍
സ്കന്ദ ദേവ പാദം
ആലപിച്ചിടാമെന്
‍സ്വാമിനാഥ നാമം

ശിവമുരുകാ

ശിവമുരുകാ



ഹരോ ഹര ഹരോ ഹര ഹരോ ഹര ഹരോ ഹര
ഹരോ ഹര ഹര സുതാ ശിവമുരുകാ

ശരവണ ഭൂജാതനേ ശരണാഗത വത്സലാ
ശരണദായകാ ശുഭ ശിവമുരുകാ

രണ രംഗ സുശോഭിതാ രമണീയ കലാധരാ
രമിത വിബുധലോക ശിവമുരുകാ

വരണീയ സുചരിതാ വരശീല ഗുണാര്‍ണ്ണവാ
വല്ലിതന്റെ കാന്തനായ ശിവമുരുകാ

നത ജന പരി പാല നഗഹര സുരവര
നമിതസുരസഞ്ചയ ശിവമുരുകാ

ഭവസുത ഭവ ഹര ഭജനീയ സുപാലകാ
ഭദ്രാചലേശ്വരാ ഹര ശിവമുരുകാ

വന്ദനീയ ചാരു മൂര്‍ത്തേവാരണമുഖ സഹജാ
വരദാനശീലാ വര ശിവമുരുകാ

അന്തകാന്തകാത്മജാസ്സുവന്ദിത മുനിസഞ്ചയ
മന്ദഹാസ സുശോഭിതാ ശിവമുരുകാ

ആദിവിനായകാനുജാ ആരണ കുലപാലകാ
അഴണമേ നിന്മഹസ്സില്‍ ശിവമുരുകാ

മാനസവാനില്‍

ശ്രീയെഴും ശ്രീ കാര്‍ത്തികേയദേവാ

ശ്രീ നാഥപൂജിതാ ശ്രീമുരുകാ

ശ്രീവള്ളിദേവിതന്‍ പ്രാണനാഥാ

ശ്രീ ബാഹുലേയാ നമിയ്ക്കുന്നു ഞാന്‍

കൈലാസ നാഥന്ന് മോദമേകും

ശൈലജയ്ക്കാനന്ദ സിന്ധുവല്ലോ

വൈരിജനത്തിന്നു ഖേദമേകും

താ‍രകാരാതിയ്ക്കു കുമ്പിടുന്നേന്‍

ജ്ഞാനപ്പഴമെന്നു കീര്‍ത്തിയേറും

ഞാനമഹാനിധേ ശ്രീ കുമാരാ

അഞാനമോഹവിനാശനാ തേ

വിഞാനമേകുവാന്‍ കുമ്പിടുന്നേന്‍

ഭേദങ്ങളില്ലാത്ത ചാരുമൂര്‍ത്തേ

കാര്‍ത്തികദേവിമാര്‍ക്കിഷ്ടമൂര്‍ത്തേ

വേദവിത്തുക്കള്‍ക്കാനന്ദ മൂര്‍ത്തേ

ചാരുകീര്‍ത്തേ നിന്നെക്കുമ്പിടുന്നേന്‍

വിഘ്നരാജന്‍ ഗണനായകന്റെ

വീരനാം സോദരാ കാര്‍ത്തികേയാ

വേലും ധരിച്ചിട്ടു ചേലിലെന്റെ

മാനസ വാനില്‍ വിളങ്ങണേ നീ

ശാശ്വതഭക്തി വളര്‍ന്നു ചിത്തേ

ശാശ്വത ശാന്തിയുണര്‍ത്തിടുന്ന

ശാശ്വത നാമജാലങ്ങള്‍ പാടാന്

‍ശക്തിനല്‍കീടണം ശംഭുസൂനോ

ശംഭുകുമാരകാ ശക്തിധാരിന്‍

ശൂരസംഹാരകാ ശ്രീവിശാഖാ

ശോകങ്ങളൊക്കെയും തീര്‍ത്തുകൊള്‍വാന്‍

ശാശ്വതമൂര്‍ത്തേ നമിച്ചിടുന്നേന്‍

സച്ചിദാനന്ദ സ്വരൂപനാകും

ഷണ്മുഖാനിന്നുടെപാദസേവ

എന്നുമേയേകിയനുഗ്രഹിയ്ക്കു

ശങ്കരനന്ദനാ തേ നമസ്തേ

സ്കന്ദം വന്ദേ

1 ഹര ഷണ്മുഖ ശംഭു കുമാരകനേ ശരണം തരണേ കരുണാകരനേ വരമേകുക ഷഷ്ടി ജനപ്രിയനേ പരനേ പരമേശ്വര വന്ദിതനേ
2 വിധി വന്ദിതവേദ സുധാജലധേ വരശീല ഗുണാര്‍ണ്ണവ ശ്രീ ഗുഹനേ ശരണാഗതവത്സല കാമദനേ ശര കാനന സംഭവ സുന്ദരനേ
3 പാര്‍വതി ലാളിതരമ്യ തനോ പതിതാവന പാവക നന്ദനനേ പാവനമാം തവ പദയുഗളം മമ മനതളിരില്‍ കളിയാടണമേ
4 ദേവഗണത്തിനുരക്ഷകനേ നിജ ശത്രു ഗണത്തിനുശിക്ഷകനേ അസുരകുലാന്തകഷണ്മുഖ ഭോ പരിപാലയ ശങ്കരനന്ദനനേ
5 നത ജനപാലകവരദവിഭോ കലി കന്മഷദോഷഭയാപഹനേ നിത്യ നിരഞന നിഷ്കളനേ കഴലേകിയനുഗ്രഹമേകണമെ
6 ക്രൌഞ്ച മദാന്തകശക്തികര പ്രവരാസുരഭഞ്ജകപുണ്യതനോ ഗിരിജാമുഖപങ്കജഭാസ്കരനാം തവപാദമതേകമതേശരണം
7 കാമ്യവരപ്രദനാം മുരുകാ- മമ സഞ്ചിത പാപമകറ്റണമേ മാമയിലിന്‍ മുകളേറിമമാന്ധത മാറ്റിടുവാന്‍ ഹൃദിവന്നിടണേ
8 ദുഃഖ വിനാശന ദുര്‍മ്മദമോചന ദ്വാദശലോചന ശൊഭിതനേ ദുരിതവിമോചനശംഭു കുമാരക നിന്‍ പദമേകം ശരണം മേ

മാനസപ്പൂ

ശ്രീ കാര്‍ത്തികേയാ നീ കാത്തീടേണം

കാമാരിസംഭവാ കാര്‍ത്തികേയാ

കാ‍മിതദായകാ ദേവദേവാ

ദേവസേനാപതേ ശ്രീമുരുകാ

സ്ങ്കടമൊക്കെയകറ്റിടുന്ന

തിങ്കള്‍നിഭ മുഖമൊന്നുകാണാന്‍

ശങ്കരനന്ദനാ ഷ്ഷ്ടിനോറ്റ്

എത്തിയിതാ നിന്റെ മുമ്പിലിന്ന്

വേദങ്ങള്‍ വാഴ്ത്തുന്ന പുണ്യ നാമം

ശൂരാന്തകന്തന്റെ ദിവ്യ നാമം

ദേവഗണത്തിന്നഭയനാമം

പടുന്നു ഞാനിന്നു നിന്റെ നാമം

ബ്രഹ്മാദി വന്ദിതനായദേവാ

ബ്രഹ്മോപദേശം കൊടുത്ത ദേവാ

ബ്രഹ്മജ്ഞനാകുന്നോരെന്‍ കുമാരാ

ബ്രഹ്മണ്യദേവാ നമിച്ചിടുന്നേന്‍

തൃപ്പദത്താരിണത്തോണിയല്ലാ-

തില്ലോരാലംബനമില്ല പാരില്‍

പാരമതേകിയനുഗ്രഹിക്കു

പാവക സംഭവ ചാരുമൂര്‍ത്തേ

ശങ്കരതേജസ്സിലങ്കുരിച്ച

മംഗളജ്യോതി പ്രകാശമല്ലേ

എങ്കരളിങ്കലുദിച്ചുയര്‍ന്ന്

മംഗളരൂപാ വിളങ്ങിടേണം

കാരുണ്യസാഗരമായദേവാ

പാദത്തിലെന്നുടെ മാനസപ്പൂ

ചേര്‍ത്തു തൊഴുതു നമിച്ചിടുന്നേന്‍

വാര്‍തിങ്കള്‍ നേര്‍മുഖമാര്‍ന്നവനേ

മാമയിലിന്‍ മുകളേറി വന്ന്

തീര്‍ത്തിടേണം ശോക മോഹമെല്ലാം

വേദാഗമക്കാതലായ നിന്റെ

പാദത്തിലെന്നെയും ചേര്‍ത്തീടണേ